BMW 740i xDrive: WLTP аралас цикліндегі отын шығыны, л/100 км: 8,0–7,0; аралас циклдегі CO2 шығарындылары (WLTP), г/км: 183–159
BMW 7 СЕРИЯСЫНЫҢ ЗАМАНАУИ БУЫНЫ.
Спорттық мінез, динамика, сән-салтанат пен жайлылықтың берік үйлесімі – дәл осы тәсіл BMW 7 сериясының бірегейлігін анықтайды. Осы премиум деңгейіндегі автокөліктердің арқасында BMW маркасы бірнеше ондаған жылдар бойы «люкс» класты седан сегментінде жетекші орынды сақтап келеді. Керемет шеберлікті, эксклюзивтік материалдар пен стильді дизайнды бағалаңыз.
- 280 (381) кВт (л. с.)
- 0–100 in 5,3 сек
BMW 740i.
BMW 740i xDrive: расход топлива в смешанном цикле WLTP, л/100 км: 8,0–7,0; выбросы CO2 в смешанном цикле WLTP, г/км: 183–159
- 400 (544) кВт (л. с.)
- 0–100 in 4,7 сек
BMW i7 xDrive60.
BMW 7 СЕРИЯСЫНА ШОЛУ.
BMW 7 сериялы автокөліктері ең алғашқы буынынан бастап премиум сегментіндегі технологиялық инновацияларды нақты іске асырып келеді. Әрбір жаңа кезеңде олар жайлылық, динамика және қауіпсіздік саласындағы стандарттарды анықтайды. Тіпті ең бірінші BMW 7 сериясы автоматты кондиционерлеу жүйесімен, круиз-бақылаумен және тежеудің бұғатталуға қарсы жүйесімен ұсынылды. Тіпті ксенон шамдар мен навигациялық жүйе сияқты жабдықтардың түрлерін BMW 7 сериясының стандартты жинақтамасын қосу да инновацияға деген ұмтылысты растайды. BMW 7 сериясының сипаттамалары тұрғысынан оңтайландырылған қозғалтқыштарының түрлері барлық жағынан да таңғалдырады. Бұл сән-салтанатты седан ұзақ уақыт есте қалады.
АЛҒАШҚЫ БУЫН (E23).
BMW 7 сериясы алғаш рет көпшілікке 1977 жылы ұсынылды. Спорттық мінез, техникалық инновациялар мен ең жоғарғы деңгейдегі сән-салтанаттың бейнесіне айналған бұл автокөлік BMW E3 модельдік қатарын алмастырды және алты цилиндрлі қозғалтқышпен жабдықталды. Күштік агрегат қуаттың әр деңгейінде артықшылық көрсетті, бұл теңдесі жоқ бірқалыпты жүріс пен динамикаға кепілдік берді, соның арқасында бұл жаңа модель «люкс» класты автокөліктер сегментіндегі ең спорттық седанға айналды. Оның шанағының дизайны Поль Брак сызбаларының негізінде жасалды. Шанақтың алдыңғы және артқы бөлігінің көлбеу жолақтары, сондай-ақ төмендетілген бел жолағы сән-салтанатты седандардың спорттық мінезіне назар аудартады.
1978 жылдың өзінде бұл модельге заманауи жабдықтар, соның ішінде электронды автоматты кондиционерлеу жүйесі және круиз-бақылау ұсынылды. 1979 жылдан бастап бұғаттауға қарсы жүйе (ABS) және қозғалтқышты басқарудың цифрлы электрондық жүйесі қолжетімді болды. Сол жылдан бастап барлық қозғалтқыштар отын бүрку жүйесімен жабдықталды. 1980 жылы BMW 745i үздік моделі ұсынылды. Ол 252 а.к. (185 кВт) қуатын беріп, 227 км/сағ дейін жылдамдық ала алады. 1982 жылы жаңартылғаннан кейін автокөліктің алдыңғы жағы одан да динамикалық көрініске ие болды. Сонымен бірге жаңартылған BMW 7 сериясына төрт сатылы автоматты беріліс қорабы, сондай-ақ жаңартылған жүріс бөлігі мен аспа орнатылды. Конвейерлерден тоғыз жыл ішінде ең сәтті сериялардан 270 000-нан астам автокөлік шықты. Олар BMW брендіне заманауи «люкс» класты седандар сегментіндегі жетекші орнын сақтап қалуына көмектесті. Шығарылған кезі: 1977–1986 жж.Қозғалтқыштар: 2,5–3,4 л (110–185 кВт, 150–252 а.к.), 6 цилиндрҰзындығы/ені/биіктігі: 4860 мм/1800 мм/1430 мм.
ЕКІНШІ БУЫН (E32).
BMW 7 сериялы екінші буынның дизайны Клаус Лютенің басшылығымен жаңартылды. Оның айрықша ерекшеліктері үйлесімді сызықтар, сондай-ақ динамикалық және батыл стильдік элементтер болды. Олардың арасында жалпақ фирмалық радиатор торы және шанақтың көзтартарлық артқы жағындағы L-тәрізді шамдар бар. Автокөліктің стандартты жинақтамасына ABS жүйесі кірді. Опция ретінде тұраққа қоюға көмек көрсету жүйесі, салондағы шуды айтарлықтай азайту үшін қос әйнек және буланбайтын терезелер ұсынылды.
1987 жылдан бастап сән-салтанатты седан жұмыс көлемі 5,0 литр V12 қозғалтқышымен қолжетімді болды. Осы қуаты 300 а.к. (220 кВт) болатын қозғалтқыш неміс автокөлік өнеркәсібінің 1945 жылдан кейін шығарған алғашқы сәйкес күштік агрегаты болды. Сонымен бірге модель тиімді жайлылық деңгейі үшін ұзартылған дөңгелек базасының нұсқасында ұсынылды. 1989 жылы борттық тоңазытқыш және автокөліктегі телефон сияқты эксклюзивтік жабдықтары бар High Line атты жаңа модельдік қатар автокөлікті сән-салтанат тұрғысынан жаңа деңгейге көтеруге мүмкіндік берді.
1991 жылдан бастап қосымша опция ретінде ксенон шамдар – сериялық автокөліктер үшін алғаш рет ұсынылды. Бір жылдан кейін орын алған модельді ауқымды жаңартудан кейін қолжетімді қозғалтқыштар қатары жұмыс көлемі үш және төрт литрлік екі 8 цилиндрлі күштік агрегатпен толықтырылды. 1994 жылға қарай шығарылған көлем шамамен 310 000 автокөлікті құрады.
Шығарылған кезі: 1986–1994 жж.Қозғалтқыштар: 3,0–5,0 л (135–220 кВт, 184–300 а.к.), 6, 8 және 12 цилиндрҰзындығы/ені/биіктігі: 4910–5024 мм/1845 мм/1400–1411 мм
ҮШІНШІ БУЫН (E38).
BMW 7 сериясының келесі буыны 1994 жылы шоу-румдарға шықты. Бұл автокөліктер жүргізушілердің жүрегін техникалық инновацияларымен жаулап алды және Еуропада алғаш болып навигациялық жүйемен жабдықталды. 1997 жылдан бастап стандартты жабдықтар тізіміне жүргізуші мен алдыңғы жолаушы үшін бүйірлік қауіпсіздік жастықшалары енгізілді, ал бір жылдан соң жолаушыларды қорғайтын жоғарғы жастықшалар қосылды. Автокөліктің шанағы енді әрі спорттық келбет алды, алайда одан да әдемілене түсті.
Алғаш рет BMW 7 сериясы үшін опция ретінде дизельді қозғалтқыш ұсынылды. Бұл жұмыс көлемі 3,0 л болатын 6 цилиндрлі күштік агрегат 184 а.к. (135 кВт) қуатын берді және Common-Rail отын бүрку жүйесімен жабдықталды. 1996 жылдан бастап дизельді қозғалтқыштардың қатары көлемі 2,5 литр және қуаты 143 а.к. (105 кВт) болатын 6 цилиндрлі күштік агрегаттан басталды. Сәнді седан жаңа рекордтарды 1999 жылы қойды. Оған қуаты 245 а.к. (180 кВт) болатын V8 дизельді қозғалтқышы орнатылды. Бұл модель әлі күнге дейін ең қуатты дизельді автокөлік болып қалды.
Сериядағы ең қуатты модель – BMW 750i/750iL. Оның жұмыс көлемі 5,4 литрлік он екі цилиндрлі қозғалтқышы 326 а.к. (240 кВт) қуатын берді. 1998 жылғы жаңартылған модельдер динамикалық шамдары мен артқы шамдары бар жаңа дизайнымен ерекшеленді. Сонымен бірге олардың бүйір табалдырықтары өзгертіліп, радиатор торы әлдеқайда жалпақтау болды. Қолжетімді қозғалтқыштар қатары да қайта қаралды: олар тиімдірек және сонымен бірге әлдеқайда қуатты болды. 2000 жылдан бастап BMW 7 сериялы автокөліктерде де күштік қондырғылардың жаңа технологиясы қолданылады: отын ретінде сутекті қолданатын BMW 750hL моделінің аз ғана бірлігі шығарылды. Кәдімгі ұзартылған нұсқадан басқа, L7 таңбасы бар 900-ге жуық автокөлік шығарылды. Олар базалық нұсқаға қарағанда 39 сантиметрге ұзын. Жалпы алғанда BMW 7 сериялы осы буыннан шамамен 327 000 автокөлік шығарылды.
Шығарылған кезі: 1994-2001 жж.Қозғалтқыштар: 2,5–5,4 л (105–240 кВт, 143–326 а.к.), 6, 8 және 12 цилиндрҰзындығы/ені/биіктігі: 4984–5374 мм/1862 мм/1425–1435 мм
ТӨРТІНШІ БУЫН (E65, E67 және E68).
2001 жылы премьерасы болған жаңа BMW 7 сериясы мүлдем басқа көлік болды. Оның дизайны үшін Крис Бэнгл мен оның командасы жауап берді. Ол толығымен қайта жасалынған шамдарымен және өзіндік мәнермен ығысқан артқы есігімен ерекшеленді. Салонда жүргізушілер iDrive жүйесінің арқасында мүмкін болған мүлдем жаңа басқару тұжырымдамасымен танысты. Бұл шешім басқару құралдарының санын азайтуға мүмкіндік берді. Автокөліктің әртүрлі жүйелерінің шамамен 700-дей функциясына қол жеткізу үшін бір батырма пайдаланылды. Бұл батырманы айналдыруға, сегіз түрлі бағытта жылжытуға және басуға болады. Сонымен бірге борттық компьютер интернетке қосылатын болды. Рульде селектор тұтқасы бар алты сатылы автоматты беріліс қорабы әлемдегі алғашқы беріліс қорабы болды. Қолжетімді күштік қондырғылар қатарындағы ең жетілген қозғалтқыш алты литрлік 12 цилиндрдің арқасында 445 а.к. (327 кВт) қуат берді.
2003 жылдан бастап BMW 7 сериясы бейімделетін шамдарымен ұсынылды. Екі жыл өткен соң модель ауқымды түрде жаңартылды. Бұл ретте шанақтың артқы бөлігі кеңейе, ал радиатордың торы ірілене түсті. Стандартты жабдықтардың тізіміне одан да динамикалық дизайны бар биксенон шамдары кірді. iDrive жүйесі жетілдірілді, ал оның тиімділігі артты. Сол жылы шамдардың алыс жарығын басқару көмекшісі және түнде көлік жүргізген кезде қосымша қауіпсіздікті қамтамасыз ететін BMW Night Vision түнгі көру жүйесі ұсынылды.
Автокөліктердің әртүрлі нұсқаларын сипаттау үшін келесі белгілер қолданылды: седан (E65), дөңгелек базасы 14 см-ге ұзартылған нұсқасы (E66), арнайы брондалған нұсқасы (E67) және сутегі күштік қондырғысы бар нұсқасы (E68).
Шығарылған кезі: 2001–2008 жж.Қозғалтқыштар: 3,0–6,0 л (160–327 кВт, 218–445 а.к.), 6, 8 және 12 цилиндрҰзындығы/ені/биіктігі: 5039–5179 мм/1902 мм/1491 мм
БЕСІНШІ БУЫН (F01–F02).
Сенімді динамика. Тамаша сырт келбет. Жайлылықтың ең жоғарғы деңгейі. Мюнхенде өткен BMW 7 сериясының тұсаукесерінде компания осы салалардағы жаңа стандарттарға өз көзқарасын көрсетті. Автокөлік әрі әсем, әрі спорттық болып шықты. Ұзын капоттың, төбесінің төмен контурының және динамикалық пропорциясының арқасында осы әсерге қол жеткізілді. Бұл ретте шанақтың артқы бөлігінде ұзынынан хромдалған жолақ орналасты, бұл артқы шамдармен үйлесіп, автокөліктің жалпақтығын ерекшеледі.
Автокөліктің салонында эксклюзивтік, жоғары сапалы материалдар қолданылды, сонымен қатар жүргізушіге көмек көрсететін — бейімделетін круиз-бақылаудан бастап жолақпен жүру көмекшісіне және BMW проекциялық дисплейіне дейін көптеген заманауи жүйелері орнатылды. Көлік жүргізуді одан да қауіпсіз етуге артқы көріністі бақылауға мүмкіндік беретін камералар, тіпті айнала шолу жүйесі де көмектесті. Бұл функция үстінен түсірілген автокөліктің суретін шығарып, өте жақсы көріністі қамтамасыз етеді.
Спорттық динамиканы дизель және бензин қозғалтқыштары қатары қамтамасыз етті. Оған қос турбо айдауышы бар қозғалтқыштар кірді, бұл ретте қуаты 544 а.к. (400 кВт) болатын V12 қозғалтқышы салынған BMW 760i ең динамикалық модель болды. Сонымен бірге BMW 7 сериясы алғашқы рет гибридті күштік қондырғымен ұсынылды. Сондай-ақ опциялық толық жетек, Adaptive Drive аспаны басқару жүйесі және амортизаторлардың қаттылығын реттеудің электронды жүйесі (EDC) де BMW маркасына тән жүріс динамикасына өз үлестерін қосты. Олар қауіпсіз жүргізуді және басқарудың дәлдігін қамтамасыз етеді.
2012 жылы орын алған модельді жаңарту кезінде 3D графикасы бар жаңа орталық дисплей, жаңартылған көмекші жүйелер, соның ішінде жарықдиодты шамдардың алысқа түсетін жарығын басқару көмекшісі және тиімділігі жоғары жаңартылған қозғалтқыштар ұсынылды.
Шығарылған кезі: 2008–2015 жж.Қозғалтқыштар: 3,0–6,0 л (180–400 кВт, 245–544 а.к.), 6, 8 және 12 цилиндрҰзындығы/ені/биіктігі: 5072–5212 мм/1902 мм/1479 мм
АЛТЫНШЫ БУЫН (G11, G12).
2015 жылдан бастап шығарылып келе жатқан BMW 7 сериясы (G11) – бұл интеллектуалды динамика мен дәлдіктің таңғаларлық келбет пен эксклюзивтік сән-салтанатпен үйлесімі. Түстердің құбылу әсері бар күрделі лак-бояу жабынына немесе шанақтың артқы бөлігінің таңғаларлық дизайнына қарау да жеткілікті. 2019 жылдан бастап жалпақ жарықдиодты шамдар бір-бірімен жұқа жанып тұратын жолақпен қосылған. Екі бүйірінде орналасқан трапеция тәрізді газ шығару жүйесінің келтеқұбырларымен қосылып, ерекше сенімді бейне тудырады. Автокөліктің шанағы көміртекті пластиктен (көміртекті талшықпен нығайтылған пластиктен), болаттан және алюминийден жасалады. Бұл шешім оның салмағын айтарлықтай азайтуға мүмкіндік берді. Дөңгелек базасы ұзартылған нұсқасы (G12) панорамалық әйнек төбесімен қолжетімді, жылжыту және бұрышын реттеу фунцияларының арқасында ол ауаның жеткілікті желдетілуін қамтамасыз етеді. Сонымен бірге Sky Lounge төбесі әдемі жарық графикасын да жасайды. Ол ортаңғы тіректің көзтартарлық жарықтандыруымен мінсіз жарасады. BMW 7 сериясына жақындаған кезде автокөлік сізді «Welcome» деген ерекше жарық анимациясымен қарсы алады.
Cognac түсті тігісі бар Nappa былғарысы сияқты эксклюзивтік жоғары сапалы материалдарды қолданудың, ішкі безендірілуін және төбенің қаптауын өзгерту мүмкіндіктерінің арқасында автокөліктің салоны өзіндік сипатқа ие болады. Артқы орындықтардағы жолаушыларға арналған ойын-сауық жүйесі ап-анық сенсорлық экранымен таңғалдырады. Executive Lounge нұсқасында артта отырған жолаушылар тамаша орындықтардың арқасында ең жоғарғы жайлылық деңгейінен ләззат ала алады. Олардың массаж функциясы және көптеген түрлі баптаулары бар. Артқы жақтағы жолаушыға керемет айнала көрініс ашылады, бұл ретте алдыңғы жолаушы орындығының артқы жағында аяқ қоятын орын бекітілген.
Орнатылған SIM-карта арқылы ақылды BMW Personal Assistant көмекшісі қосымшалар мен сервистерге шексіз қолжетімділік алады. Олардың арасында үнемі жаңартылып отыратын Connected Navigation қызметі және бағдарламалық қамсыздандыруды қашықтан жаңарту мүмкіндігі бар. BMW Connected қосымшасының арқасында автокөлік әрқашан смартфонмен байланыста болады. Тұраққа қойған орыннан ішінара автоматтандырылған шығу функциясы автокөлікті қашықтықтан басқаруға мүмкіндік береді. Осының арқасында BMW 7 сериясы жүргізушінің бақылауымен гараждан өздігінен шығуға қабілетті.
2019 жаңартылған нұсқасының дизайны сән-салтанатты седанның тартымдылығы мен жалпақтығын одан сайын айшықтайды. Бұл әсерге едәуір үлкейтілген радиатор торы мен бейімделетін шамдар арқылы қол жеткізіледі.
Шығарылған кезі: 2015–2022 жж.Қозғалтқыштар: 2,0–6,6 л (183–448 кВт, 249–610 а.к.), 4, 6, 8 және 12 цилиндрҰзындығы/ені/биіктігі: 5098–5260 мм/1902 мм/1467–1479 мм
ЖЕТІНШІ БУЫН (G70).
2022 жылы орын алған BMW 7 сериясының жаңа буыны өндірісінің басталуы «люкс» класының жаңа эталонының пайда болуын білдіреді. Ол айқын әдемілікті керемет жүріс сапасымен үйлестіреді және барлық сезім органдарына қайталанбас ойын-сауық мүмкіндіктерін ұсынады.
Аңызға айналған шанақтың алдыңғы бөлігі мен бірегей дизайн тұжырымдамасының арқасында бұл модель барлығының назарын аударады. Радиатор торының және екі бөліктен тұратын жіңішке жарықдиодты шамдардың жарықтандыру контурының есебінен автокөлік ерекше әдемі көрінеді. Опция ретінде Swarovski кристалы мен жарығы бар одан да керемет BMW Crystal Iconic Glow шамдары ұсынылады. «Great Entrance Moments» сәлемдесу сценарийінің таңғаларлық жарықтандыру әсерлерімен бірге олар қайталанбас әрі эксклюзивтік бейне тудырады.
Автокөлік салонының өзіне тән ерекшелігі – сәнділіктің, жайлылықтың және инновациялардың бірегей үйлесімі. Merino былғарысы, кашемир жүні және Сваровски кристалдары сияқты жоғары сапалы материалдар сән-салтанат атмосферасын жасайды, ал жүргізуші орнында қолданылатын заманауи технологиялар оңтайлы эргономиканы қамтамасыз етеді. Мысалы, кристалды дизайны бар BMW Interaction Bar көпфункциялы басқару құралдары жарқырап көздің жауын алып, визуалды және тактильді басқаруды өз бойына біріктіреді. 14,9-дюймді жоғары ажыратымдылықты иілген BMW Curved Display дисплейімен үйлесіп, олар жүргізушінің орнында мультимедияны пайдаланудың бірегей мүмкіндіктерін туғызады.
Алайда жаңа BMW 7 сериясын жүргізу рақатын тек жүргізуші ғана алмайды. Жолаушылар да жайлылықтың ең жоғарғы деңгейінен ләззат алады. Опция ретінде ұсынылатын диагоналі 31,3 дюймдік BMW Theatre Screen дисплейі автокөліктің салонын кинотеатрға айналдырады. 4D Audio әсері бар Bowers & Wilkins Diamond Surround Sound аудиожүйесінің және тап-таза дыбыстың арқасында артта отырған жолаушылар таңғаларлық әсер алады.
Сән-салтанатты седан қуатты дизель қозғалтқышы бар нұсқада, сондай-ақ тиімді қосылатын гибрид жетекті нұсқада қолжетімді. 2022 жылдан бастап ол жаңашыл BMW i7 автокөлігімен бірге толық электрлік нұсқада ұсынылды. Автокөліктің 544 а.к. (400 кВт) қуаты бар және электр тарту күшімен жүріс қоры 600 км-ден асады, демек, сіз әлдеқайда динамикалық және әмбебап түрде зиянды шығарындыларсыз экологиялық таза мобильділіктен ләззат ала аласыз. Ханс Циммер жасаған BMW IconicSounds Electric дыбыстық сүйемелдеуі әрбір көлік жүргізу режиміне үн қосылуын қамтамасыз етіп, бұл процесті одан да керемет әрі айрықша етеді.
Шығарылған кезі: 2022 жылдан бастапҚозғалтқыштар: 3,0–4,4 л (220–485 кВт, 299–659 а.к.), 6 және 8 цилиндр; электр қозғалтқышы (BMW i7)Ұзындығы/ені/биіктігі: 5391 мм/1950 мм/1544 мм
ҚОСЫМША МАТЕРИАЛДАР.
ЖИІ ҚОЙЫЛАТЫН СҰРАҚТАР.
Отын шығыны және CO2 шығарындылары.
BMW 740i xDrive :
WLTP аралас цикліндегі отын шығыны, л/100 км: 8,0–7,0;
Аралас циклдегі CO2 шығарындылары (WLTP), г/км: 183–159
BMW i7 xDrive60[1]:
WLTP аралас цикліндегі отын шығыны, л/100 км: 19,6–18,5;
зАралас циклдегі CO2 шығарындылары (WLTP), г/км: 624–589
[1] Жүріс қоры түрлі факторларға байланысты. Олардың ішінде: жүргізу стилі, бағдар, сыртқы температура, климаттық қондырғыны пайдалану, автономды кондиционерлеу бар.
[2] Іштен жану қозғалтқышының (381 а.к./280 кВт) және электр қозғалтқышының (197 а.к./145 кВт) қуатынан тұрады. Электр күштік қондырғысын пайдалану мүмкіндігі аккумулятор батареясы зарядының деңгейіне байланысты болады.
[3] Қосылатын гибрид үшін: Электр күштік қондырғысын пайдалану мүмкіндігі аккумулятор батареясы зарядының деңгейіне байланысты болады.
[4] Қосылатын гибрид үшін: аралас циклде, орташа (EC AC Charge Weighted).
[5] Іштен жану қозғалтқышының (286 а.к./210 кВт) және электр қозғалтқышының (18 а.к./13 кВт) қуатынан тұрады.
[6] Іштен жану қозғалтқышының (313 а.к./230 кВт) және электр қозғалтқышының (197 а.к./145 кВт) қуатынан тұрады. Электр күштік қондырғысын пайдалану мүмкіндігі аккумулятор батареясы зарядының деңгейіне байланысты болады.
Қуат көрсеткіштері, шығын және CO2 шығарындыларының деректері стандартты беріліс қорабы бар автокөліктер үшін берілген.
Отын шығыны, СО2 шығарындылары, энергияны тұтыну және электр тарту күшіндегі жүріс қоры туралы деректер Еуропалық Одақ (ЕО) 715/2007 директивасының қолданыстағы редакциясында айқындалған өлшеу процестеріне сәйкес алынған. WLTP циклі үшін анықталған және диапазондар ретінде көрсетілген деректер (бұл жағдайда Германия нарығында ұсынылатын) қолжетімді қосымша жабдықты ескереді. 2021 жылдың 1 қаңтарынан бастап көлік құралы түрінің мақұлдауын алған автокөліктер үшін тек WLTP цикліне сәйкес ресми деректер ғана бар. Бұған қоса ЕО 2022/195 қаулысына сәйкес 2023 жылдың 1 қаңтарынан бастап NEDC мәндері сәйкестік сертификатынан алынып тасталды. NEDC және WLTP циклдері үшін өлшеу процедуралары туралы толығырақ ақпарат www.bmw.de/wltp парақшасында берілген.
Жаңа жеңіл автокөліктердің отын шығыны және CO2 шығарындылары деңгейі туралы ресми деректер туралы толығырақ ақпарат барлық дилерлік орталықтардан, сондай-ақ ақпарат Deutsche Automobil Treuhand GmbH (DAT) по адресу Hellmuth-Hirth-Str. 1, 73760 Ostfildern-Scharnhausen, Германия, компаниясынан тегін алуға болатын «Барлық жаңа жеңіл автокөлік модельдерінің отынды үнемдеуі, CO2 шығарындылары және электр энергиясын тұтынуы нұсқаулығы» анықтамалығында қамтылған және https://www.dat.de/co2/сайтында бар.
Бензин қозғалтқыштарының көрсетілген сипаттамалары 98 октанды бензинмен жүретін автокөліктерге қатысты. Отын шығыны бойынша деректер ЕО 715/2007 регламентіне сай эталон отынды пайдаланатын автокөліктерге қатысты. Сондай-ақ этанолдың максималды мөлшері 10% (E10) болатын 91 және одан жоғары октанды этилдендірілмеген бензинді қолдануға болады. BMW 95 октанды отынды пайдалануды ұсынады. BMW өнімділігі жоғары қозғалтқыштармен жабдықталған автокөліктер үшін 98 октанды отынды пайдалануды ұсынады.