ҚҰҚЫҚТЫҚ ЕСКЕРТУ

BMW Group компаниясы BMW брендінің өнімдеріне қызығушылық танытып, осы корпоративтік веб-сайтқа кіргеніңіз үшін алғыс білдіреді.

 

ДЕРБЕС ДЕРЕКТЕРДІ ҚОРҒАУ

Осы веб-сайтты пайдалану кезінде сізден өзіңіз туралы белгілі бір ақпаратты ұсыну сұралуы мүмкін. Дербес деректер ерікті түрде ұсынылады.

Дербес деректерді өңдеу, сақтау және пайдалану Қазақстан Республикасының заңнамасына, оның ішінде Қазақстан Республикасының «Дербес деректер туралы» Заңына, сондай-ақ өзге де қолданылатын нормативтік құқықтық актілерге сәйкес жүзеге асырылады.

Дербес деректер тек олар ұсынылған мақсаттар үшін өңделеді және Қазақстан Республикасының заңнамасында тікелей көзделген жағдайларды қоспағанда, дербес деректер субъектісінің келісімінсіз үшінші тұлғаларға берілмейді.

Пайдаланушы заңнамада белгіленген тәртіппен өзінің дербес деректерінің өңделуі туралы ақпарат алуға, сондай-ақ оларды өзгертуге, жаңартуға немесе жоюға құқылы.

 

АВТОРЛЫҚ ҚҰҚЫҚ

Осы веб-сайтта орналастырылған материалдарға, соның ішінде мәтіндерге, суреттерге, графикаға, аудио және бейнематериалдарға, дизайнға және өзге де элементтерге қатысты барлық құқықтар BMW AG (Мюнхен, Германия) компаниясына тиесілі немесе бұл материалдар заңды негізде пайдаланылады.

Аталған объектілер авторлық құқықтың және зияткерлік меншікке қатысты өзге де құқықтардың объектілері болып табылады әрі халықаралық шарттар мен Қазақстан Республикасының заңнамасына сәйкес қорғалады.

Құқық иеленушінің алдын ала жазбаша рұқсатынсыз сайт материалдарын коммерциялық мақсаттарда қайта шығаруға, көшіруге, таратуға, өзгертуге, жариялауға немесе өзге де тәсілдермен пайдалануға тыйым салынады.

Жекелеген материалдар үшінші тұлғаларға тиесілі болуы мүмкін, бұл туралы бөлек көрсетіледі.

 

КЕПІЛДІКТЕР ЖӘНЕ ЖАУАПКЕРШІЛІК

Осы веб-сайтта орналастырылған ақпарат қандай да бір тікелей немесе тұспалданатын кепілдіктерсіз, соның ішінде белгілі бір мақсатқа жарамдылық немесе үшінші тұлғалардың құқықтарын бұзбау кепілдіктерімен шектелмей, «сол күйінде» ұсынылады.

BMW Group ақпараттың өзектілігі мен дәлдігін қамтамасыз етуге ұмтылғанымен, онда дәлсіздіктер немесе техникалық қателер болуы мүмкін. Қазақстан Республикасының заңнамасында көзделген жағдайларды қоспағанда, BMW Group сайттағы ақпаратты пайдалану нәтижесінде туындаған ықтимал залалдар үшін жауапты болмайды.

BMW Group сондай-ақ осы ресурстағы сілтемелер арқылы өтуге болатын үшінші тұлғалардың веб-сайттарының мазмұны үшін жауапты болмайды.

 

ТАУАР БЕЛГІЛЕРІ

Егер өзгеше көрсетілмесе, осы веб-сайтта пайдаланылатын барлық тауар белгілері, логотиптер, эмблемалар, модель атаулары және өзге де белгіленімдер BMW AG компаниясының тіркелген тауар белгілері болып табылады және оларды құқық иеленушінің келісімінсіз пайдалануға болмайды.

 

ЛИЦЕНЗИЯЛАР

Осы веб-сайт BMW Group компаниясының немесе үшінші тұлғалардың зияткерлік меншік объектілерін, соның ішінде патенттерді, тауар белгілерін және авторлық құқық объектілерін пайдалануға қандай да бір лицензиялар немесе құқықтар бермейді.

 

ӨНІМ ТУРАЛЫ АҚПАРАТ

Өнім туралы барлық ақпарат, техникалық сипаттамалар, суреттер мен иллюстрациялар жарияланған сәтте өзекті болған деректерге негізделген.

BMW компаниясы кез келген уақытта алдын ала ескертусіз автомобильдердің дизайнына, жиынтықталуына, техникалық сипаттамаларына, түс нұсқаларына және модельдер қатарына өзгерістер енгізу құқығын өзіне қалдырады. Мұндай өзгерістер өнімнің құны мен қолжетімділігіне әсер етуі мүмкін.

Сайтта ұсынылған кейбір модельдер мен жабдық элементтері Қазақстан Республикасының аумағында қолжетімсіз болуы немесе қосымша ақыға жеткізілуі мүмкін.

Нақты әрі өзекті ақпарат алу үшін Қазақстан Республикасының аумағындағы ресми BMW дилеріне хабарласуды ұсынамыз.